Ym pat pdiang ka High Court ia ka dorkhas ka CMJ

Shillong, 5 Naitung:
U Registrar general ka Meghalaya High Court u Bah W Diengdoh u la pynshai ha kane ka sngi Palei ba ka dorkhas jong ka Chandra Mohan Jha Foundation (CMJ) ym pat pdiang ka Kashari.
Ha ka dorkhas ba la pynlait ha ka sngi Palei, u Bah Diengdoh u la ong ba “Kane ka kam ka iadei bad ka Writ Petition No WP(C) [SH] 178/2013, ha kaba ka kashari High Court ha ka hukum kaba la pynmih ha ha 25 tarik Jylliwe,2013, ka la pynmih ia ka hukum kaba kdew ia ka special leave appeal (SLP) (Civil) No (S) 19617 kaba sah kut ha Supreme Court bad halor kane, la shim ba ka Writ Petition yn sa shim kam hadien ka 15 tarik Naitung, 2013.”
Shwa ia kane, u nongiasaid ain ka CMJ Foundation u la kam ba ka Kashari High Court ka la pdiang ia ka dorkhas. Kane ka jingkam ka long kaba bakla, bad namarkata, ka dorkas ka CMJ Foundation ym pat pdiang satia ka Kashari”, la ong u Bah Diengdoh.