Ym pat mynjur U Lat ia U Bah Mawsor

Shillong 16 Naiwieng:
U CEM ka KHADC u Bah Adelbert Nongrum u la ong ba u dang ap ia ka jingmynjur jong u Lat ka jylla ia ka kyrteng jong u Bah Morningstar Mawsor ban thung kum u EM ka Executive Committee (EC).
“Ngi dang ap ia ka jingmynjur na u Lat KK Paul ha kane ka sngi Nyngkong”, la ong u Bah Nongrum.
U la ong ba hadien ba la ioh ia ka jingmynjur na u Lat, un sa sam ia ka tnad ha u EM.
Kham mynshwa u MDC ka Mawkhar-Pyn thorumkhrah na ka KHNAM u Bah James Ban Basaiawmoit u la iehnoh ia ka kam EM ban ailad ia ka jingdawa ka HSPDP ban pynrung EM sa uwei.
U Bah Basaiawmoit u la ong ba u la shim ia kane ka rai ban pynkut noh ia ka huri hura ha ka ARPA.