Ym pat lap ia ka khynnah 11 snem ba la jah

Jowai, 23 Naiwieng:
Ki pulit bad kiba ha iing hasem jong ka ka khynnah kaba dang 11 snem ka rta ka la jah rngai na Lad-Sutnga, East Jaintia Hills ki don hapdeng ka jingdum jingmut namar haduh mynta ka sngi ym pat shym la lap satia ia ka.
Katei ka khynnah kadei kaba la tip kyrteng kum ka  Risa Talang khun jong ka kong Silda Talang kiba dei shnong trai na Nongjngi Khliehshnong.
“Mynta ka sngi ngi la hiar sha Jalaphet ban leit wad ia katei ka khynnah hadien ba ngi la ioh khubor ba ki don kiba iohi ia katei ka khynnah, hynrei ngim shym la lap satia ia ka”, la ong u heh pulit na Khliehriat.