Ym pat jubab ka Assam, ba kwah iakren biang ka Meghalaya

Shillong:U myntri sorkar jylla uba dei u chairman ka West Khasi Sector jong ka Regional Committee, u bah Paul Lyngdoh ula ong ba ka Assam kam pat ai jubab halor ka jingphah ktien ka Meghalaya ban bteng biang ia ka jingiakren pynbeit pud.

Haba kren sha ki lad pathai khubor, u bah Paul ula ong ba ha ka jingshisha, ula bthah ia u Deputy Commissioner ka West Khasi Hills ban iakren bad u Deputy Commissioner ka Kamrup district ka Assam ban bteng biang ia ka jingiakren hapdeng jong kine ki ar jylla, hynrei ka Assam kam pat kano kano ka jubab.

Ula ong ba kumba long mynta, ka sorkar Meghalaya ka dang ap ia ka jubab na ka sorkar Assam ba kan ai ia ka jubab ban sdang biang ia ka jingiakren pynbeit ia ki jaka kiba dang sah.
Lah ban kdew ba na ki 12 tylli ki jaka kiba iakam, 6 tylli la dep ban pynbeit hapdeng ka Assam bad ka Meghalaya bad sa 6 tylli kiba kham jwat ki dang sah, kum ka thain Langpih, ka Block-I bad II.