Ym pat ioh jingthoh u Lamphang, na ka MPF, ha ka thung chairman

Shillong, 17 Jylliew:
U Lamphang ka iing durbar ka jylla u Abu Taher Mondal u la ong ba um pat ioh jingthoh ei ei na ka kynhun liang pyrshah ka Meghalaya People Front (MPF) kaba la kren pyrshah ia ka rukom thung chairman ha ki komiti bapher bapher jong ka iing durbar thawain tang na ki MLA ka liangsynshar.
“Ym don kyndon kaba the ban thung chairman ha ki kommiti bapher bapher jong ka iing durbar thawain tang na liang synshar ne ka liang pyrshah. Hynrei kam long kaba shisha ban kynnoh ba ia ki chairman jong ki kommiti la thung tang na ki MLA ka liangsynshar” la ong u Mondal ha kane ka sngi Nyngkong.
Katkum ka jingong u Lamphang, u MLA ka HSPDP u Bah Hoping Stone Lyngdoh u dei u chairman ka Public Accounts Committees.
‘Lada don kano kano ka jingbakla, nga kloi ban pynbeit ia kata’, la ong u Lamphang.
Shwa ia kane, na ka liang ka MPF ka la pyrshah jur ia ka jingthung chairman u Lamphang tang ia ki MLA ka liangsynshar ha ki komiti bapher bapher jong ka iing durbar thawain.
U Bah Paul kham mynshwa u la kynthah ia u Lamphang ba ka rai jong u ka long ka bym ju kham jia.