Ym pat iakren, halor ka jing pyllait ia ki kali kamai, ong u myntri

Shillong:U myntri ka tnad ka koit ka khiah, u bah Alexander L Hek haba u la pyntip halor ka jingialang review ka ba la long myn hynnin ka sngi, u la iathuh ba ka sorkar jylla ka khlem pat ia kren eiei halor ka jingpyllait noh ia ki kali ban kamai hapoh ka East Khasi Hills District.

“Ngi khlem pat ia tai eiei ruh em halor ban shah ne ban ym pat shah noh ia ki kali kamai ban mih kamai hapoh ka East Khasi Hills District” la iathuh u bah Hek.

Kumba ka long mynta ha kiwei ki district, ki la shah ban iaid ia ki kali kamai, hynrei ha kaba iadei bad ki kali kamai hapoh ka East Khasi District ka sorkar kam shem pat la iakren eiei halor ka ne ka bynta.

Kumba long mynta kane ka jingpynslem jong ka sorkar ban pyrkhat na ka bynta ki briew ki ba im jakpoh da ka ba shu kamai kali, ki la buh ia ki ha ka jingeh ka ba khraw namar ka jingbym ioh ban mih kamai.
Ha kawei ka liang na ka liang jong ki nongialam jong ka Meghalaya Joint Action Commitee of Comercial Vehicle ki la pyntip ba la shai ka sngi ka 25 tarik kin leit ban ia kynduh ia ka Deputy Commissioner ka EKHD, ban ia kren halor kane ka bynta.
Haba ia kren bad u nongialam ka MJACCV u bah Wanlambok jyrwa u la iathuh ba la shai ka sngi kin sa leit ban kynduh ia ka Deputy Commissioner, East Khasi hills, ban ia kren ba ka sorkar, ka la shah ne kan dang pynslem ban shah ban kamai noh ia ki kali hapoh ka East Khasi Hills District.