Ym pat ia kynduh u Dr Mukul ia ka Sonia

Shillong, 31 Nailar:
U Myntri Rangbah ka jylla u Dr Mukul Sangma uba don ha New Delhi um pat iakynduh satia ia ka Sonia Gandhi ne ia ki nongialam ka AICC, ban iakren ia ki kam ka party hadien ba ka la mih ka jingiakhih ban weng noh ia u na ka shuki nongialam ka party.
Watla u Dr Mukul Sangma u la kyntait ba kam don kano kano ka jingsyier ia ka shuki, hynrei u Dr Mukul un hap ap haduh ban ioh iakyn duh iakren ia ki nongialam ka AICC.
La sngewthuh ba u Dr Mukul un iakynduh lashai ka sngi Nyngkong.
Lah ban kdew ha kane ka sngi Thohdieng, u Dr Mukul shwa ban mih sha Delhi u la ong ba ka shuki jongu ka skhem bad kam don kano kano ka jingkhih. U la ong ba un leit sha Delhi kam dei ba un leit iakynduh ia ki kam party hynrei ban iakren ia ki kam pynroi ka jylla.
Dang shen, ki nongialam ka party Congress u Bah DD Lapang bad u Salseng C. Marak lem bad u Bah HDR Lyngdoh ki la kam ba ki iakynduh ia ka Sonia Gandhi ha jaka sah jongka ha 10 Janpath ban iathuh ia ki kam ba u Dr Mukul u la leh ka bym iahap khamtam ka jinghir ka suk ka sian ha Garo Hills.
Hynrei na ka liang ka Sonia ka la pynpaw ia ka jingsngewkhia ia ka jinglong jingman ha kane ka jylla bad ka la shu ong ba kan sa ai ia ka rai kaba biang ha ka por kaba dei.