Ym pat don ba wankam ka metiap, kaba la lap na Baridua

Nongpoh: U Superintendent of Police, Ri Bhoi District, u la pyntip paidbah ba kawei ka metiap kaba ki pulit ki la ioh ban tam na kawei ka jaka kaba don hajan ka Topcem Cement Godown kaba don ha 9mer Baridua, kat haduh kine ki sngi ym pat don kiba wankam kat satia bad ba katei ka metiap ka dang don ha ka jaka buh metiap ha Nongpoh Civil Hospital.

Haba batai halor ka jinglong jingman jong katei ka metiap, ka khubor na ki Pulit, ka batai ba utei u briew, u dei uba don ia ka sniehdoh kaba long iong, ha ka rynieng kaba 5 phut 9 inshi, la antad ba u la don ia ka rta kaba 50 snem, uba phong ia ka jacket rong bthuh, ka patlun jrong ba rong grey, ka sopti t-shirt rong blue, ka patlun poh rong blue bad u panpoh uba rong brown.