Nongpoh: U Superintendent of Police, Ri Bhoi District, u la pyntip paidbah ba ka metiap kaba la iohtam da ki Pulit Ri Bhoi na Pung Umiam, kat haduh mynta ym pat don ba wankam bad mynta ka dang don hapoh ka jaka buh metiap ha Civil Hospital Nongpoh.
Ia katei ka metiap kaba la lap da ki Pulit hynnin ka sngi na pung Umiam, la shu antad ba u dei na ka jaid bynriew Khasi ne Jaintia, uba la antad ruh ba u don ha ka rta kaba 32, la ong ba utei u briew u don ia ka snieh doh ba iong, uba don ia ka rynieng 4 phut 10 inshi, uba phong ia ka Jacket rong Blue, ka sopti rong Grey, ka patlun jean rong Blue, ki juti rong blue kaba donlang lang bad ka rong orange.
Kat haduh mynta katei ka metiap ka dang don hapoh ka jaka buh metiap ha Civil Hospital Nongpoh bad la ong ruh ba katei ka met kan sa pyut noh shen. Kumta la pyntip ba kino kino kiba don jingtip shaphang jong u lane ia kiba hailing ha sem jong utei u briew, ba kin pyntip da kaba phun sha ki number 8787625489 lane 7005675697.
Phi don ban ong eiei?