Ym pat don ba wankam ia ka metiap

Nongpoh, 18 Lber:
Ki bor pyniaid ka Civil hospital Shillong ki la pyntip ba ym pat don ba wankam ia ka metiap jong u Rymphang Mar wein, uba la khlad noh ha ka 16 tarik Lber, ha katei ka Hospital, ha kaba haduh mynta ym pat don u wei ruh na ka liang jong kiba ha iing ki ban wanmih.
Katkum ka khubor ba la ioh na ki pulit, la iathuh ba ia u Rymphang Marwein la lap da ki pulit ka Ri Bhoi, uba la don hapdeng ka met kaba shitom ha Shnong Shangbangla bad hadien kane ki pulit ki la pynkit noh ia u sha Civil Hospital Nongpoh, na ka bynta ban ioh ia ka jingsumar, hynrei namar ka jingshitom kaba jur, kumta la pynkit noh sha Civil Hospital Shillong.
Kumta na ka liang ki pulit ka Ri Bhoi, ki la kyrpad ia kiba ha iing ba kin leit shim noh ia katei ka metiap, kaba dang don mynta ha jaka buh metiap ha Civil Hospital Shillong bad ia ka postmortem la pyndep da ki doctor jong katei ka Hospital.