Ym pat don ain ban ai syrnot ki MLA/MDC

Shillong, 18 Nailur:
Wat la kiba bun ki MLA/MDC ki ai syrnot jaka sah ia ki briew kiba dei na ki konstitwensi jongki hynrei katkum ba paw, kane kam don satia ai kaba batai kumta.
Kat kum ka khubor sorkar, la iathuh ba kam don kano kano ka ain ia mynta kaba ai bor ia ki nongmihkhmat paidbah kum ki MLA/MDC ba kin ai syrnot jaka sah ia ki briew.
Ha kine ki sngi hadien ba la khang ka Meghalaya High Court ia ki rangbah shnong ban ai syrnot ia ki briew, kiba bun ki MLA/MDC ki la ai syrnot ia ki briew ba kin lah ban pyndep ia ki kam kiba iadei bad ka sorkar bad kiwei kiwei ki tnad ruh.
“Ia mynta kam pat don ka ain kaba ai bor ia ki MLA/MDC ban ai syrnot jaka sah ia kino kino ki briew”, la ong ka thymmei khubor na sorkar.
Ka jingkylli ka mih hato aiu kiba bor ba dei peit kin leh haba bun ki MLA/MDC ki la ai syrnot kumba la paw ha ki lad pathai khubor ha kine ki sngi.