Ym pat ai ktien U Modi, ban iakren HNLC

Shillong, 19 Jylliew:
Kat haduh mynta ka sngi, ka Seng Khasi Hima Mawsynram, kam pat ioh pdiang satia ia ka shithi na ka ophis jong u myntri rangbahduh, kaba dei halor ka jingthmu jongki, ban iakren iasuk hapdeng ka seng kaikhlaw HNLC bad ka sorkar India. “Ka jingthoh, ka leit sha u myntri rangbahduh” ong U bah Tyllilang Myrthong President ka Seng Khasi Hima Mawsynram, haba iakren bad U Rupang. “Lada ki pdiang, hap wad ksiang da uwei” ong shuh shuh U Bah Myrthong, wat la u mynjur, ba ka HNLC, ruh ka mynjur ia ka kyrteng jong U bah Disparsing Rani, uba dei u nongai jingmut jong ka Seng, ba un long u ksiang, ha ka jingiakren iasuk bad ka sorkar India.
U Bah Dispar, ula kyntait ban iakren iasuk bad ka HNLC, halor ka nongrim, ba u ong ba ki don ia ka jingleh politiks, khamtam, haba ki byrngem ban pynbthei bom ia ka ophis jong ka seng Congress, kaba don ha Khyndailad. U bah Myrthong, u kren pynkut “Lada long ban iakren bad ki lehnoh Garo, balei, ym long iakren ia ki lehnoh jongngi”.