Ym ma nga, hynrei u bah Paul u ba dang kam ia lade kum u EM ka trade wat la u la shah weng: Latiplang

Shillong: U bah Latiplang Kharkongor u CEM ka Khasi Hills Autonomous District Council mynta ka sngi, haba ia kren bad ki lad pathai khubor u la ong “Ym ma nga hynrei u bah Paul Lyngdoh u ba dang kam ia lade kum u EM ka trade, wat la u la shah weng, kane ka long hadien ba na ka liang u bah Paul u la kynnoh ba u bah Latiplang u dei u CEM ba shukam hi.

Na ka liang u bah Latiplang u la ong “Haba ka EC ka la khyllem naduh ka 20 tarik u Naiwieng bad u dang bat sah ia ki phail jong ka tnad trade kane ka pyn paw ba u dang kam ialade ba u dang dei u EM jong ka trade.”

Halor ka jingpynshai jong u bah Paul Lyngdoh ba ki Phail (file) na ka tnad trade ki khlem jah, hynrei ki dang don bad u bah Paul na ka liang u bah Latiplang u la ong ba haba u la shah weng kum u EM ka trade naduh ka 20 tarik u Naiwieng kumno u dang bat ia ki phail (file) haduh mynta.

U la ong ruh ba ia u la jied kat kum ki kyndon jong ka District Council, ym dei ba u shu kam hi, hynrei u da iakhun ia ka election CEM bad ula jop, hynrei ki dei ma ki hi ki ba khlem treh ban ia khun. “Kumno ki kynnoh ba nga dei u CEM ba shu kam hi”.

“Na ka liang jong nga ngan hap bthah ia u Secretary ba un phah ia u bah Paul ban wan aiti noh ia ki phail (file) ha KHADC” u la bynrap.