Ym lait ang shuh U Amitabh, haba ka nongiakob Crorepati, ka kwah palat ban ktah ia u tmain jongu

Mumbai: U Amitabh Bachchan um nang kren shuh, haba kawei ka nongiakhun ha ka jingialehkai Kaun Banega Crorepati, ka kwah palat ban ktah ia u tmain jongu.

Ha kane ka bynta kaba la pyni ha ka sngi Nyngkong, kawei ka nongiakop kaba kyrteng ka Alka Singh, ka la pan bor na U Amitabh, ba kan ktah ia u tmain jongu bad katei hi ka la pynkyndit tyngeh ia U Amitabh, ha kaba um nang shuh ban jubab, da kaba ong “hooid ne “em”.

“Ka lah ban long kaba sngewsih ia phi hynrei nga kwah ban ktah ia u tmain jong phi”, la ong u nongiakop. Da ka jingsngew kyndit, hangtag u Amitabh Bachchan, ula ong “Phi kwah ban ktah ia u tmain jong nga?” U Amitabh u kylli biang, ba ioh u iohsngew bakla. Ka Alka ka la ong ban pynskhem biang. “Hoid kein”.

Hangta ka ong shuh shuh “U hynmen jong nga u khuid bha ki ngab jongu. Nga kwah ban ktah ia une u tmain, uba lieh jong phi”. Hangta, U Amitabh u la rkhie bad ong“Ynda u hynmen jong phi un dap 87 snem, ma u ruh un sa don ia u tmain uba lieh.” Nangta u la ong ba un ailad ia ka ban ktah ia ka hadien ba la kut katei ka jingiakob.