Shillong: U myntri rangbah ka jylla Meghalaya u Conrad K Sangma mynta ka sngi u la ong ba ka sorkar jylla kam lah ban tuklar ne pynkylla ia ki skim sam marbam kiba wan na ka sorkar India na ka bynta ki paidbah.
Haba jubab halor ka jing sam khaw sha ki paidbah lyngba ka skim PMGKY sha ki bym don kyrteng ha ka thup ‘non-NFSA’, u Conrad K Sangma u la ong ba baroh ki sorkar jylla ki hap ban bud ia ki kyndon ba la bthah ka sorkar India halor ki skim.
“Bun kiba la kyrpad ia ka sorkar Meghalaya ban sam marbam lem sha ki paidbah kiba bym hap ha ka thup ‘non-NFSA’ bad nga pynpaw ruh sha baroh ki paidbah ka jylla ba ka sorkar Meghalaya kam lah ban tuklar ne pynkylla ia ki skim bala wan na ka sorkar India” la bynrap u Conrad K Sangma.
U myntri rangbah ka jylla u la iathuh ba ka sorkar Meghalaya kan wad ki lad lynti ban pynioh marbam sha ki paidbah ki bym hap hapoh ki skim ka sorkar pdeng lyngba ki ‘MLA scheme’.
Phi don ban ong eiei?