Shillong: Ka kynhun Meghalaya Rural Tourism Forum (MRTF) kala ai jingmut sha u myntri ka tnad jngohkai ka jylla bah Paul Lyngdoh, ba ym lah ban wanrah ia ka nongmuna ka jylla Sikkim ha Meghalaya ha kaba iadei bad ki kali kamai kam jngohkai.
Ha ka dorkhas sha u myntri, u bah Alan West Kharkongor u la ong ba ka MRTF ka la pynsngew ba ka sienjam kaba la shim ka All Meghalaya Khasi Tourist Taxis Association (AMKTTA) ban khang ia ki kali na Assam ban wan kit ia ki nongwankai shaduh ki jaka jngohkai, kam long kaba dei namar ba ka riti synshar ka ri, ka la kren shai ba u nongshong shnong ka India u lah ban iaid laitluid hapoh u pud u sam ka ri, bad sa kawei ruh ka jylla Meghalaya ka dei ka don ka lynti iaid lyngba sha kiwei ka jylla.
U nongialam ka MRTF u la ong ba ka jylla Sikkim ka pher na ka jylla Meghalaya, namar ba dei ka jylla shong syier bha na ka jingdon ha khappud bad kiwei ki ri bad kaba khampher ka jinglong jingman kaba la ker ki lum.
Ha kajuh ka por, u la ong ba ka kynhun kan iakren ban pynbeit ia ki jingeh ha ka committee kaba la thung ka sorkar ban don lang ka seng ki nongniah kali kamai bad kiwei.
ia u Alan western thinking kynmaw a little knowledge is dangerous dei kumne ba phi pyrkhat tang shi side ka jabieng..Ban phaida iaka sohra phi ai nuksa ba dei transit state bad phi wanrah ki constitution rules…hato kam hap hapoh 6th schedule kaba iada ruh iaka jinglong u khasi haka businesses.
think about it…Mr Alan take the road less travelled