Ym kwah kynthoh u kyrtong VPP, halor ka jingai jait kpa

Shillong:U kyrtong ka Voice of the People Party (VPP) sha ka election Lok Sabha, u Dr Ricky A J Syngkon u la kyntait ba ka VPP ka pyrshah ia ka ktien Hindi.
Lah ban kdew ba ki MLA ka VPP hapoh ka ïingdorbar thawain jong ka Jylla Meghalaya ki la mih jyndat napoh ka ïingdor bar namar ka jingkren Hindi jong u Lat, da kaba pyrta ruh ia ki kyntien pynrem ia u Lat ka Jylla, u Phagu Chauhan ‘down down Governor’. Halor kane ka jingleh ki MLA ka VPP ka la mih ruh ka jing kynthoh na kiba iakhun pyrshah, kumno yn phah ia u kyrtong ka VPP sha Delhi haba ki pyrshah ia ka ktien Hindi.

“Kan bha shibun ia kiba kren, ba kin sngap ia kaei kaba u bah Ardent M Basaiawmoit u la kren, ban shu shim khlem da sngap ia baroh, kam long sngew tynnad”, la ong u Dr. Ricky.
Ula bynrap, “Mano ba ong ba ngi pyrshah ia ka ktien Hindi, kita kiba ong, nga tharai ki dei ban sngap bha ia ka jingkren jong u bah Ardent halor ka jingkren, ym ban shu kynnoh ban ialam ia u paidbah”.

Haba kylli halor kane, na ka liang u Dr Syngkon u la ong, mano ba ong ba ki pyrshah ia ka ktien Hindi, bad ong shuh shuh ba kita kiba ong ki dei ban sngap bha bad peit bha ia ka jingkren jong ki halor kata ka jingkynnoh jong ki, bad bynrap da kaba ong ban shu kynnoh da kumne kumtai ka long khyllung palat.
Halor ka jingkynther ia ka jingai jait kpa, u la ong ba um don eiei ban kren halor kane.