Ym kwah kynriah kam DC ka JSU

Shillong, 16 Jylliew:
Ka Jaintia Students’ Union (JSU) ka pynpaw ia ka jingsngewkhia bad ka jingsngew diaw halor ka jingthmu jongka sorkar Jylla ban pynkynriah kam ia u Deputy Commis sioner jong ka West Jaintia Hills District Bah PS Dkhar, namar ka por ba u shakri ia ka District kam pat dap tang lai snem ruh. Katei ka seng ka la kam ba u ne u DC u ba mynta u la trei shibun ki kam kiba bha hapoh ka District ha kaba iadei bad ka bha ka miat jongka Imlang sah lang bad kumjuh iaka District bad ka jaitbynriew hi baroh kawei,  bad k ala ong ruh ba bun ki jingthmu ba bha jong u ki dang sahteng. Ka kyrwoh ka la ong ruh ba lada utei u Dc un shah pynkynriah kam kan ktah ia ka Distrik baroh kawei. Ka la dawa ba ka sorkar ka dei ban pynsangeh ia ka jingpynkynriah kam ia u.