Shillong 11 Naiwieng: Kat kum ka kyrwoh na u Bah Eric Swer President jong ka KHNAM state Youth Wing, u la ong, ba haba iadei bad katei ka Refugee Colony ( R&R Colony), kum ka Seng ka dang i artatien ban ong baka R&R colony ka la hap Pura hapoh ka jingpeit jong ka Dorbar Shnong Rynjah , namar haduh kine kisngi; ba la iaid lynti na katei ka jaka, dang iohi sah beit iaki juh ki signboard kiba khlem da pyndam, ki ba wah ha kylleng jong katei jaka bad kdew beit R&R Colony ym ka Them Rynjah.
Wat haba ka Seng ka ladep thoh da ka shithi mynta la katno bnai sha ka Dorbar shnong Rynjah bad sha ka KHADC nabynta ban pyndam noh bad thoh beit daka kyrteng tynrai Them Rynjah kumba la pynskhem khnang ialait naka jingsngewthuh bakla, la bynrap u bah Eric.
Ula bahut Eric ula ong ruh, ba “Baroh ngi tip shai, Ba katei ka jaka’ kadei ka Sixth Schedule area bad kumjuh kaba hap hapoh u pud synshar jongka Hima Mylliem bad kum ban shu pyn kynmaw biang, ha u Snem 2019, nakaliang ka Hima Mylliem ka ladep ban pynlait daka (Notification) ba ka ladep kynthup iakane ka Refugee colony hapoh ka jingpeit bad u pud u sam jongka Dorbar shnong rynjah, bad la jer kyrteng thymmai ruh iaka kum ka Dong Them rynjah, ka ba la pynskhem daka KHADC”.
Kumta ula kyntu ruh iakitei ki nongshong shnong jong katei ka jaka ba kin bud ryntih iaka riti synshar shnong synshar thaw, kat kum ka bor ba la pynkup, Hapoh ka United khasi Jaintia hills automous District (Appointment and succesion) of chief and Head Man Act 1959.
Hynrei ka jingkylli kaba mih? Ngi iohi pat, ba kitei hi kiba sah hakatei jaka bad kiba dei ruh ki nongkitkam jong ka R& R Colony Welfare Society Kim shim la burom ne suitniew iaka hukum ba la pynmih bad ki iaid laka mon ban pyniaid hi iakatei ka RR colony, kum ki self style Rangbah Shnong, wat haba ki tip shai ba kadon ka Mylliem Act 2007, kaba khang pyrshah iaki bym dei khasi ban long Rangbah Shnong. Bad iakane la lap mynshim snem u 2023 daki Nongialam ka HITO Nongthymmai Circle.
Kumta nakaliang ka KHNAM, ngi la shim Rai, bangin iai budien iakane ka kam bad ha kine ki sngi, ngin sa leit ha khadc ban kynduh kyrpang ia u EM badei peit iaka Elaka, ban kham iashai bha. Namar kat kum ki jingtip ba napoh ba ka seng ka ioh, ka ong ba kitei ki ba pyniaid iaka R&R colony Welfare society ki lah buh daka jing ujor sha ka iing kashari ban pyrshah namar ba ki kwah synshar hi iakatei ka jaka.
Kumjuh ruh, ka seng kan sa dawa lang na ki bor Sorkar, badei ban pyndam noh iakito ki nongthep vote naka thup kyrteng kiba ioh iaka Epic lyngba ki syrnot ba la ai da katei ka Society namar kilong kiba beain.
lah dei ka kamram jong u syiem Mylliem ban bud dien bad kumjuh ruh ka District Council ban peit pyrman bad phah inspection lada la pyntreikam ne em ïaka notification in letter and spirit.