Ym ioh kuna ‘shi naia’ ruh na ki nong pynkhein ain rKa trei kam ne em ka ain khang dih duma?

Shillong,
15 Rymphang: 
La palat saw snem naduh ba la pyntreikam ia ka ain mana dih duma ha jaka paidbah ne ka Meghalaya Prohibition of Smoking and Non-Smokers Health Protection (Repealing) Act 2011, hynrei ym pat don uwei ruh uba la pynkhein ia kane ka ain.
Katkum ka jingtip ba la ioh da ka Ain Wad Jingtip na ka tnad Ka koit Khiah ka jylla, la pyni ba ki pulit kiba dei ki nong pyntreikam ia kane ka ain, kim pat ioh kem  satia uwei ruh uba pynkhein ia kane ka ain, kaba mut ba ki nongdih duma ki dei kiba bud ia ki kyndon jong kane ka ain.
Katkum kane ka ain, u nongdie duma (sikret, biri, bad kiwei ki jingdih ba sniew) un shah kem ha ka ain lada u die sha u nongthied ba hapoh 18 snem ka rta. Ka don ruh ka kuna kaba T. 200 bad ka shah shah shong along lada pynkhein ia kane ka ain.
La mana ruh ban die sikret,duma hapoh ka jingjngai kaba 100 meter na ki jaka pule kum ki skul, kolej, skulbah bad ki jaka sumar ne hospital.
Ka jingtip ba la ioh na katei ka tnad sorkar, ka la ong ba ki pulit kim shym la lap ne shem ia kino kino kiba pynkhein ia kane ka ain ha baroh kawei ka jylla haduh kane ka khyllipmat.
Hynrei ka jingkylli, ka la mih la kane ka ain ka treikam shisha ne kiba pyntreikam ki la ju pyntreikam ne em.
Katkum ka jingtip, ka jylla Meghalaya ka dei kawei kaba jur bha ki nongdih duma ha ka ri.