Nongpoh: Wat hapdeng ki jingthwet kaba jur, hynrei ki Pulit kam Ri Bhoi, kim pat iohkem satia ia u Shahjahan Ali, u runar uba la shah suba jur ba u la pyniap ia la ka jong ka Lok ha Nongthymmai Byrnihat.
Lah ruh ban kdew hangne, ba kawei ka Longkmie ba dang armet, kaba la tip kum ka Shainaz Begum (20) snem ka rta, ka la shah pyniap dusmon bad kaba la shah pom da ki kynja tiar ba dep na ryndang tad haduh ba kan da khlad noh hashen.
Kaba la pynsuba eh ia kiba bun ba u Lok jong katei ka u dei uba la donkti ha katei ka kam, ka dei hadien ba u la phet noh bad kat haduh kine ki sngi ym pat lap dien satia haei u don. ban leh ia ka post mortem
Halor katei ka jingjia, ki Pulit ka Ri Bhoi kin dang trei shitom shuh shuh, na ka bynta ban kem ia utei u runar uba la shah suba jur ba u la donkti ha katei ka kam pyniap briew.
Phi don ban ong eiei?