Ym iahap ka BJP ia ka rukom khynra mynder ki pulit

Shillong, 16 Naiwieng:
Ka BJP Meghalaya ka la ong ba kam iahap ia ka rukom khynra mynder ki pulit ha ka nongbah ha ki kynta katba ki briew ki dang thiah.
Haba kren sha ki nongthoh khubor, u State general secretary ka BJP u Dipayan Chakraborty u la ong ba watla ki pdiang ia ka jingkhynra mynder jong ki pulit hynrei ka lynti ba ki leh kam iahap satia bad ki dei ban pynkylla ia ka rukom leh jongki namar ba ka dei ka jingpyndik ia ki briew.
U la ong ba ki pulit ki pynlong ia ka jingkhynra ha ka por ba ki briew ki dang thiah bad kane ka la pynwit shibun ia ki.
“Ka rukom khynra ia ki mynder dei ban leh da kawei ka lynti kaba kham larkam”, la ong ka BJP.
Lah ban kdew ba ki pulit ki la pynlong ia ka jingkhynra ia ki jaka ba bun ha ka nongbah ban lap ia ki briew kiba wan naei naei kiba lah ban long ki nongpynma ia ka ri.
Kane ka jingkhynra jong ki pulit, ka la long ha ka thain Pynthor, Sawphurlong, Jhalupara kiba dei ki ktem jong ki briew kiba wan nabar.