Ym iahap ka ANVC (B), ia ka jingdawa u MDC ka Jaiaw

Shillong, 20 Jylliew:
Ka Achik National Volunteer Council (ANVC-B) ka la pynpaw ia ka jingbym sngew iahap ia ka jingkren jong u MDC ka Jaiaw u Bah Adelbert Nongrum ba ki Garo kim dei ban ioh thep vote ha ka elekshon ka KHADC namar ba ki la don la kajong ka Autonomous District Council ka GHADC.
U Bah Adelbert hyn nin ka sngi u la ong hapoh ka iing durbar ka KHADC ba donkam ban pynkylla ia ka ain ka KHADC khnang ba kiwei ki jaitbynriew kum ki Garo kin ym ioh ban iakhun bad ban thep vote ha ka elekshon jong ka KHADC.
Ka ANVC (B) ka la ong ba ka jingkren jong u MDC kan long kum ka jingiaphiah bad ka jingsngew pher jaitbynriew bad ka la pynsngewsih ia ki jaitbyntiew Garo.
Ka ANVC (B) ka la ong ba lada u Bah Adelbert u kren khlem kano kano ka jingthmu, ka bha ba un panmap halor kane bad dei ban kham adkar ban kren kum ia ki mat ba ktah.