Nongpoh: Wat la dangshen ka sorkar ka la pynhiar ia ka dor ha Petrol bad Diesel ha ka jylla, hynrei haba iadei bad katei ka jingpynhiar dor ka sorkar jylla, na ka liang ki Nongniah Auto Rickshaw hapoh ka lama jong ka Nongpoh Region Auto Owners & Driver Association, ki la pynpaw ia ka jingbymhun ha kaba ki dang kyntu ia ka sorkar jylla ba ka dei ban pynhiar dor biang ia ka Diesel bad Petrol.
Ka daw hi kaba la pynlong ia ki nongniah Auto ha Nongpoh ban dawa biang na ka sorkar ba ka dei ban pynhiar dor, ka dei hadien ba ki la mad ia ka jingkiew dor ha ka Petrol bad Diesel ha kine ki khyndiat bnai ba la dep, ha kaba kum ki nongniah Auto kiba im ja da kaba kamai Auto, ki la shem jingeh shikatdei eh halor kane ka jingkiew dor jong ka Petrol bad Diesel.