Shillong: Ka jingia kynad hapoh ka party Congress ka nang pur shuh shuh, ha kaba mynta ka sngi, la sakhi ia ka jingleit ai jingkyrshan jong ki san ngut ki MLA ka Congress ia ka sorkar Meghalaya Democratic Alliance (MDA) khlem kano kano kajingpyntip ia u President ka MPCC lane ki nongialam jong ka AICC.
Haba ia kren halor kane ka bynta, na ka liang u MLA ka Congress party u bah Process T Sawkmie, u la ong ba ka jingrai ban leit ban kyrshan ia ka sorkar MDA ka long hi hadien ka jingiohi ba ka sorkar MDA ka la shim khia ban pynbeit ia kiba bun tylli ki mat jingeh ha ka jylla.
U bah PT Sawkmie, u la ong ba ka jingleit ban kyrshan jong ki san ngut ki MLA ka Congress ka long hi kum ka jingwad ia ka lad ki lynti ban peit ia ka bha ka miat na ka bynta ka jingbha jong ki bad jong ki Constituency jongki.
Haba kylli u bah Sawkmie u la ong “Lada ki 12 ngut ki MLA ki lah ban ieh ia ka party Congress khlem kano kano ka jingpyntip ia ka AICC kam pher ia ki san ngut ki MLA ba kin leit ban pyniasoh ia ka sorkar MDA khlem da pyntip ia ki nongialam jong ka AICC”.
U la bynrap shuh shuh ba halor kane ka rai, na ka liang jong ki san ngut ki MLA kim da sngew donkam ban pyntip ia u President ka MPCC u bah VH Pala bad ai ba un tip lyngba ki social media.
U bah Sawkmie u la ong ruh “Halor ka rai jong u President ban pyniaid hi ia ka party, ngam kwah ban ong eiei namar ba kan shong ha u namar ba u don la ka jong ka bor ba un rai ha kaba iadei bad ka party hynrei ha kaba ia dei bad ka CLP u bah Pala um don bor eiei ban shim ia kano kano ka rai “.
“Ngi kum ki MLA ngi lah ban shim ka rai la ka jong bad u President ka MPCC ym don bor eiei ban rai na ka bynta jong ngi ki MLA, ngin shim la ka jong ka rai ka ba ngi sngew ba ka bha na ka bynta ka Constituency jong ngi”la bynrap u bah Sawkmie.
Kata kein ka dei ka jingiapait iapra ka Congress party ,kamkai Suda ,wat pynbiej shuh iu paidbah , haba phim lah ban iatylli para nongialam,baroh phi dei ki nongpynpra ,dang lah ki sengbhalang ban iaphi ki MLA
ka jingpait jingpra ka Congress ha meghalaya kadei na bynta u MP jong ka hi,u Vincent Pala..u ne u MP um juh Kyrshan ia ki Candidate MLA, MDC Congress..ia Kane ngi lah iohi ha ka Sutnga Saipung Constituency naduh ba u long MP um juh Kyrshan ia Ka party congress ha Kane ka constituency..