Ym donkam Aadhaar shuh ia ki samla pule

Shillong,18 Nailar:
Ka sorkar jylla ka la pynbna paidbah mynta ka sngi ba ki samla pule kiba aplai baibam na ka bynta ka Post Matric Scholarship 2016-2017 kim donkam shuh ia u Aadhaar nombar. Ka Directorate of Higher and Technical Education mynta ka sngi ka la pynmih ia katei ka jingpynbna. Ha ka 12 tarik mynta u bnai u Commissioner and Secretary Education u la ong ba un thoh sha baroh ki tnad sorkar jong ka sorkar pdeng ba ka dei ban pyllait ia ka jylla Meghalaya na jingdonkam ia u Aadhaar nombar khamtam ha kaba ia dei bad ka scholarship ki samla pule.