Ym don shuh U Rajiv, tang ka IIM Shillong

Shillong, 17 Rymphang:
Mynshwa ka dei ka Rajiv Gandhi IIM, hynrei nangne shakhmat, yn tip noh ia ka, tang ka Indian Institute of Management bad ia katei ka jaka ai jinghikai, la pynkylla da ka ain jong ka sorkar India bad la pynlong ain ruh da ka dorbar Lok Sabbha.
Na ka liang jong ki MP ka seng Congress, ki kynnoh, ba katei ka dei ka buit pohdor suda, kaba la leh da ka sorkar BJP. Lyngba katei ka ain, la sngewthuh ba katei ka jaka pule lane ka RGIIM Shillong, yn tip noh da ka II Shillong,ha kaba yn sa pynbud ia kiwei ruh, ha kaba yn ai kyrteng beit ha ki jaka ba ki don.