Ym don ki kot jingshisha pyrshah ia U Lat barim:Rijiju

Shillong, 29 ’lyngkot:
U myntri khynnah kam poh iing ka sorkar India, U Kiren Rijiju, ula ong mynta ka sngi ba ka don ka jing artatien, ban pynlong ia ka jingtohkit halor ka jingshah kynnoh kynshlein kynthei jong U Lat barim ka Jylla, U V Shanmuganathan. U Rijiju, u ong ba kim don satia ki kot ki sla, kiba biang, ban tohkit halor kane ka jingshah kynnoh, ula ong shuh shuh.
“Kumba ka long mynta, kam don kano kano ka jing ujor pyrshah ia U Lat barim ka Jylla bad ban sdang ia ka jingtohkit. Ngim don eiei ha kti jongngi” ong U Rijiju ha Shillong mynta ka sngi. “Ngam lah ban ong la ka sorkar kan thung ne em ia ka jingtohkit.
Ka dang kloi eh ban on gong eiei” bad U Rijiju, ula ong shuh shuh “U Shanmuganathan, ula hiar shuki, halor ka jingsngew shimet jongu hi”.