Shillong 05 Rymphang: Ka Hynniewtrep Youth Council (HYC) Education Cell hapoh ka jingialam u samla Enlang Sawian u ba dei u secretary education cell ka seng, mynta ka sngi balang ka 05 tarik Rymphang 2025, ki oa leit ban iakynduh Ia u Vijay Kumar Mantri, Secretary and commissioner education department ka sorkar jylla, ha ka ba iadei bad ka jingpyllait ka Meghalaya Recruitment Board (MCB) Ia ka Advertisement, ban khot thungkam Assistant Professor bad lecture ha ka ktien Khasi bad Garo.
Ha ka jingiakren bad ki lad pathai khubor u samla Enlang Sawian u la ong, ba kane ka jingkhot thungkam ba la pyllait da ka Meghalaya Recruitment Board myn ha ka 23 tarik Kyllalyngkot 2025,ka long ka ba kulmar haduh katta katta.
U bah Enlang Sawian u la ong, ba kumno u Nonghikai u ba dei na Garo u lah ban Hikai ha ka ktien Khasi bad kumno u Khasi u lah ban hikai ha ka ktien Garo.
Ha ka jingiakren bad u secretary and Commissioner mynta ka sngi u samla Enlang u la ong, ba nakaliang jongu u ong, ba ka jingthungkam thungjam kalong katkum ka Roster System jong ka state Reservation Policy.
Shuh shuh u samla Enlang Sawian u la ong, ba yn nym don u bar jylla ne u Garo u ba la pyndep ia ka Master Degree ha ka ktien Khasi bad ruh yn nym don ki Khasi ki ba la pyndep ia ka Master Degree ha ka ktien Garo.
Kumta hadien ba ka seng ka la leit ban pan jingshai ha ka ba iadei bad kane, nakaliang u Secretary and commissioner u la kular, ban sa iakren ia kane bad ka personal department ban pynbeit ha kapor ba khot ia ka advertisement.
Phi don ban ong eiei?