Ym don jingthmu ka PWD, ban weng ia ki Muster Role

Shillong: Na ka liang ka tnad PWD kam don jingthmu ban weng ia ki nongtrei bylla Muster role ha kylleng ka jylla ki ba hap ha ka jingpeit jong ka tnad PWD hynrei ki lah ban pynkynriah noh sha ki jaka ki ba don kam namar ka PMGSY ki ba dei ban peit ia ki contractor tang 5 snem ia ki surok la iathuh da u chief Engineer jong ka PWD Road u bah L.D Suchiang.

U bah Suchiang u la iathuh ruh ba na ka liang ka tnad PWD kan ym thung kam thymmai shuh ia ki Master role,wat lada ki la shong thait noh ne ki khlad noh ki ba la trei lupa, hynrei ki ba trei kin trei beit kumba ju long kan ym don ka jing weng kam ia ki.