Ym don jingpynbna ha ki kotkhubor, ba thung kam ka Home Guard, ong ka KSU

Shillong: Ka KSU East Jaintia Hills District, ha ka 14 tarik u Risaw ka la ioh ban kynduh bad buh ruh da ka jingthoh ha u Deputy Commissioner halor ka jingshah kyntait ki katto katne ki khun samla ban rung ialade ha ka thup pynrung kam ba la pynlong da ka Civil defense &Home Guard Department.

Ka KSU EJHDU, mar sien ioh jingtip halor kane ka la leit mar mar ban kynduh ia u DC ka East Jaintia Hills
District ban pynsngew halor kane ka jingbym shai ka rukom thungkam.

Lah ban pynkynmaw ruh ba kam don ka jingmih ia ka jing pynbna (advertisement), halor kane ka lait kam ha kino kino ki kot khubor bad na ka liang u DC ruh ym shym la tip eiei halor kane.
Ka seng ka dap daka jinglyngoh ban iohsngew ba kat u khlieh ka district, um shym la tip ba iaid kane ka
kynti thung kam ha katei ka tnat sorkar.

Ka seng ka dawa na u DC ba un wad bniah halor kane bad ban tuklar syndon ba kan don ka
jingthungkam ba khuid ba suba bad ba ki samla ka thain kin nym duh iaka hok lade.
Na ka liang u DC, u la kular ban shimkhia mardor halor kane ka mat bad ban pynbeit ia ki jingdonkam.