Shillong: Ka la mih ka jingkylli ha Rajya Sabbha mynta ka sngi, ka 19tarik Naitung 2022 bad katei ka dei halor ka jingsam bor ding antad sha u paidlang bapher ka India, katba kum ki jylla jong ka Ri. Ka jingkylli, ka long halor ka jingsam bor ding ha ka shisngi, ha ki jaka sor bad nangta ha ki jaka nong kyndong, katba kum ka jingioh jingkhein, kaba haduh ka 8tarik Naitung 2022.
Ha katei ka jubab, kaba la buh da U Jairam Ramesh, MP Rajya Sabbha jong ka seng Congress, ha ka twitter, la pyni, ba ha u snem 2021-2022, ka jingioh bording antad jong u paidlang ka jylla Meghalaya, ha ki jaka sor, ka long 23.93 kynta, katba ha ki jaka nongkyndong, kam don jingkhein satia. Nangta na bynta u snem 2022, haduh ha U Jymmang 2022, ki jaka sor ha Meghalaya, ki ioh bor ding 23.95 kynta, katba ha kitei ki juh ki bnai, ka jylla, kam don jingkhein satia, katno ba ka lah ban sam bor ding sha ki nongkyndong.
Phi don ban ong eiei?