Ym don jing maham ka tnat mariang, lashai ka sngi

Shillong: Mynta ka sngi ruh, ka dei ka sngi kaba khriat bha ha ka nongbah Shillong bad ka dei ka sngi ruh kaba dum lyoh bad ka jinghap slap ba malu mala.

Ka tnat peit mariang jong ka sorkar India, ka iathuh ba ka jingshit ha Shillong, ka long 13.6 kaba shit eh bad 5.9 degree kaba khriat eh. Ha Sohra, kaba shit eh, ka long 16.9, kaba khriat eh, ka long 6.9 degree, nangta ha Umiam, kaba shit eh, ka long 18.4 bad kaba khriat eh, ka long 7.7degree.

Ka jingslap ha Shillong, mynta ka sngi, ka long 0.3mm, ha Sohra, ka long 10.4mm bad ha Umiam ym don slap satia.

Lashai ka sngi, ka lah ban don ka jinghap slap, kaba malu mala ha ka nongbah Shillong bad ha khap sor ruh kumjuh.