Ym don jaka bret niut, ym don painkhana bad sa ka khapngiah ka Iew Patharkhmah

Shillong: Ka iew Patharkhmah ka long kawei ka iew ba heh tam bad ba la slem bha na ki iew ha western Ribhoi.La pynshongshit shongshngain da ki nongwan iew jong ki spah tylli ki shnong jong ka thain naduh Lailad, Dongki ingding, Mawdem, Bilahari, Bakhlapara, Ranibari bad ka ju long iew beit shi sien shi taiew da ka jing wan jong ki mahajon na ki dong bapher bapher jong ka them Ribhoi bad kiwei pat ki jaka na lum khasi.

Kaba shongshit ka long ba da ka jingdon bynta lang ki mahajon na kiwei pat ki jaitbynriew ka la nangpynheh shuh shuh iaka lad ban ia thied jingthied.Ki para lok khasi na ki thain West khasi,East khasi ruh ki wan ban die iaki tiar ki tar jongki bad ki wan thied ruh ia ki mar ba pynmih na kane ka thain Western ribhoi ban kit sha Shillong ne shawei shawei ruh.
Haba u nongthoh khubor u la ioh ban iakren bad katto katne ki nongwan iew,ki la pynpaw ba ka jingkhap ngiah ka jaka ieng kali, ka dei namar ba haduh mynta ymdon ki jaka ieng ba kham kylluid.Nangta,ka jaka ban pynlang ia ki niut ruh kam da don bad nangta ki painkhana paidbah ruh kim biang khnang ban pynlong iaka iew kaba i khuid i suba. Ki la pynpaw ba lada ki bor ba halor kum ki bor sorkar ki don ka lad ban iarap kan da long ka jingkyrkhu ba khraw.