Ym don Gypsy, pulit ha Ratacherra

Shillong, 23 Nailar:
Ka KSU Narpuh Circle hadien ba ka la ioh bat da ki spah ngut ki mynder kiba la thmu ban wan tur sha sha kane ka jylla ha kine ki khyndiat sngi ba la dep, ka la leit ban ia kynduh ia u Incharge jong ka Infiltration check Gate (ICG) ha Ratacherra ban kylli na balei ba katei ka Check Gate kam lah ban tehlakam ia ka jingwan tuid be-ain jong ki mynder bad ka jingioh laitlan jon gki ban wan sha kane ka ri da ka ba suk, hynrei kaba sngewlyngngoh ba ka jubab kaba utei u heh pulit u la ong ka long ba ym don wat tang kawei ka Gypsy ruh ba la buh hangtei naka bynta ki pluit ha kaba u la iathuh ruh ha ki nongialam ka seng ba ka jingbym don Gypsy ka la wanrah jingeh ia ki pulit ban kthong bad ban buddien ia ki kali ki bym sangeh watla la pynsangeh ia ki.
Shuh shuh ki nongialam KSU Narpuh ki la iathuh bas a kawei pat ka daw ba utei u heh pulit u la iathuh ka long ba duna pulit palat kiba la phah sha katei ka check gate .
Ki nongialam seng ki la pynpaw ia ka jingsngewdiaw halor ka jingleh sting ka tnad kam pohing ka jylla ban phah pulit ha katei ka check gate kaba la duna pulit palat bad ka jingbym pynbiang kali gypsy na ka bynta ki pulit kiba ap ha katei ka khyrdop peit mynder.
Ka seng ka la pynpaw ruh ka jingsngewkhia ia ka jingwan rung kyrthep ki bar jylla ha kane ka bri u Hynniewtrep da ki spah bad ki hajar ngut ha ka shisngi shi sngi.