Shillong: Ka Khasi Students’ Union War Jaintia Circle hapoh ka jingialam jong u President Samla Laitphar Syngkrem ha ryngkat General Secretary Samla Lurman B. Talang bad Finance Secretary Samla Kindly Khyriem la leit iakynduh ia u Deputy Commissioner, West Jaintia Hills District ha ka 16 tarik mynta u bnai halor ka jingbym don Block Development Officer hapoh Amlarem, namar ia mynta ka dang hap peit ka Madam J.U Kharpuri kaba dei ka Sub Division Officer (Civil), Amlarem.
Ka Seng ka la dawa na u D.C ba u dei ban thung mardor ia kiba biang ban shim ia kane post B.D.O namar kadei ka jingduh kaba khraw bad jingshem shitom ki paidbah ka thain War Jaintia lada ki wan donkam sha ophis, teng teng ha ka jingbunkam ka Madam ki paidbah ki hap ban wan arsien laisien sha ophis, tang ia i kam iba khyndiat.
Kane ka jingeh na ka liang ka Sorkar ka dei ban sngewthuh bad shimkhia kumno kine ki ar tylli ki ophis baheh yn bat tang uwei ne kawei ka Officer. Na ka liang jong ka seng ka la kyntu bad dawa jur na u D.C ba un shimkhia bad ban phah briew noh na ka bynta ka jingbit jingbiang jong u paidbah ka thain War Jaintia. U Deputy Commissioner u la ong ba un leh kloi ia kane bad ula kubur ba ka shem shitom bha lada kim biang ki ophisar, na ka bynta ka kam jong u paidbah.
Phi don ban ong eiei?