Shillong:Haba u nong lum khubor jong U Rupang u pyrshang ban wad jingtip ia ka dork i marbam ha iew na ka liang ki nongdie marbam ki la iathuh ba kumba long mynta ka dor ka ka mur kam da jingiapher than na kaba ka ju long baroh shi katto.
Haba iakren bad ki katto katne ki nongdie jhur ki la iathuh uba kham kiew dor dei tang u sohsaw uba poi mynta 30-40 shi kilo ha kaba ka dor jong u ka kiew khyn diat ban ia kaba ka ju long.
Haba pyrshang ban ia kren bad ki mahajon die khaw na ka liang jong ki ki la iathuh ba ka dor jong u khaw kam don jingkiew ne hiar kaba khraw hynrei ka lah ban pher shiphew ne arphew tyngka bad ka dor jong u khaw ka lah ban hiar ne kiew man la ka sngi. Haba iathuh shuh shuh ki ong ba kumba long mynta u khaw lai u poi hapdeng ka 1000-1200 tyngka sanphew kilo.
Katba na ka liang ki nongdie pylleng ki iathuh ba ka dor jong ka pylleng lieh ka kham hiar ban ia kaba ka ju long bad ka poi mynta 170 shitre bad ha ki por kiba kham kiew ka poi 200 tyngka katba ka pylleng saw ka poi 300tyngka mynta bad ha ki por ba ka kham kiew ka lah ban poi 350 ha ka shitre.
Phi don ban ong eiei?