Shillong:Ka Deputy Commissioner jong ka East Khasi Hills District, ka la pynmih ia ka hukum ban mana bad khang pyrshah ia ka jing pyndonkam ia ki tiar ba jam, ka jingiatem jingput ba sawa jam, hadien ka jingioh jing ujor haba iadei bad ka jingmih jong ki sur ba sawa jam na ki prokram kiba bun jait,ki jingleh sngewkmen, kumta la pynmih ia ka hukum ba ka jingpyndonkam ia ki tiar ba sawa jam la ki dei ki tynghung,ki jingrwai ne kiwei pat, ki dei ban pyntikna ba ka jing pyndonkam ia ki tynghung, ka dei ban long tang naduh ka por 6 baje mynstep haduh 10 baje mynmiet, katkum ka rai ba la shim da ka ïingbishar Supreme court.
Ki nong pynlong ia kino kino ki prokram la ki dei ki jingrakhe ki jinglehkmen kiba pyndonkam ia ki tynghung bad ki sur jingrwai kin dei beit katkum ka por ba la buh.
Ki nong pynlong ia kino-kino ki tamasa ki prokram ki dei ban bud ryntih ia ka hukum jong ka supreme court kaba la pynmih ha ka 18/7/2005 CA3735 of 2005(arising out SPL(c)No 21851/2003) Forums, Prevention of Environment of Sound Pollution vesrsus Union of India bad kiwei pat la khang pyrshah haba iadei bad ka jing pyndonkam ia ki tynghung jing sawa bad ka jingtem ia ki sur jingrwai.
Ki nong pynlong ia ki prokram ki dei ban pyntikna ba ka jingsawa ka dei ban long katkum ka sur ba la buh, Noise Pollution( Regulations & Control )Rules 2000 kumba la mynjur, kum ka Industrial area emmision of sound label 75dB(A) leq ha ka por mynsngi bad 70 dB ha ka por mynmiet, ha ki ïew ki hat ka jingsawa ka dei ban long 65 db(A) ha ka por mynsngi bad 55 ha ka por mynmiet, ha ki shnong ki thaw ka jingsawa ka dei ban long 55dB(A)Leq ha ka por mynsngi bad 45 ha ka mynmiet bad ha ki jaka ba kynjah ha ka por mynsngi ka jingsawa ka dei ban long 50dB(A)Leq bad 40 ha ka por mynmiet.
Lada ka don ka jingiakulmar bad ka jingpynthut ia ka shong suk shong shngaiñ, kiba pynlong ia ka prokram ki dei ban shim ka jingkitkhlieh katkum ki kyndon aiñ.
ok