Shillong:Ka kynhun ki thei samla ka Meghalaya, ka la ioh ban khur ia ka jingjop kaba nyngkong jong ka ha ka lympung Women’s U-15 One Day Trophy ba la ialeh ha Kolkata da kaba pynliem ia ka Nagaland da hynniew wicket ba la ialeh myn ha kane ka sngi ba-ar.
Da kaba duh ia ka toss, ka Nagaland ka la hap ban tied shuwa bad ka Meghalaya ka la lah ban pyrkhing ia ka jingkamai jong ka Nagaland da tang 74/7 ha ki 35 over.
Ha ka pali tied jong ka Megha laya, kane ka kynhun ka la lah ban kot sha katei ka thong tang hapoh ka 15.1 over da kaba duh tang lai wicket.
Kaba la bol bha na Meghalaya ka dei ka Diya Biswa da 3/14 ha ki 7 over, katba ka Jennyfer Fancon ka ioh 2/8 ha ki 7 over bad ka Dejianna M Sangma 2/11 ha ki 7 over.
Na ka lia ng kiba tied pat, ka Anastesia Shullai ka tied bun duh da 21 run, katba ka Zoya Tasneem 11 run
Haduh mynta ka Meghalaya ka la ioh ban pyndep saw tylli ki jing lehkai ha kane ka lym pung, da kaba rem lai sien bad jop kawei.
Ka jinglehkai kaba san bad kaba khatduh ia ka Megha laya kan long pyrshah sa bad ka Karna taka ba yn ialeh lashai ka sngi.
Phi don ban ong eiei?