Wer nongkitkam ka SKKST

Shillong,21 Naitung:
Ka Sein Khynroo Khylood Sein Raij Tuber (SKKST) ka wer bad khot sngewbha ia ki nongkit kam (Volunteers) na ka bynta ki samla shynrang sha ka Lehniam Shad Behdein khlam ka Raij Tuber ka ban long ha kane ka 24tarik Naitung 2014
Ka SKKST kumba long man la u snem ka khot ia kitei ki samla ban long kum ki nongiarap (Volunteers) ha katei ka sngi na ka bynta ki kam ba bun jait ha katei ka sngi, ka SKKST ka kyrpad ruh ba dei ban phah ia ar ngut ki samla na kawei ka rong (Rot) ba long ki nongkit kam.
Ia kitei ki samla bala phah ki dei ban wan ha ka por 9 baje thik mynstep ha ophis ka seng kaba don ha Tuber Kmai Shnong ha katei ka sngi 24tarik Naitung 2014 na ka bynta ban pynbeit ia ki kam ban bynshet ia ki, khnang ban iaid beit iaid ryntih ki kam ka Raij.
Kane ka long kat kum ka jingpyllait khubor u General Secretary ka seng u bah Wanlang Rymbai.