Shillong: Ka Meghalaya Football Association (MFA) ka la khot ia kiba kwah ban iashim bynta ha ka Baby League kabar ban long mynta u snem. Ka iawer ia ki skul, ki shnong, ki klob bad ki shlem hikai phutbol ban iashim bynta ha ka Meghalaya Baby League 2019 (Shillong zone).
Ia ka phom shim bynta la sdang ban ai bad kan kut haduh ka 8 tarik Nailar. Kiba kwah kin sngewbha ban leit shim na ophis ka MFA, kaba don ha Jawaharlal Nehru Stadium naduh ka por 1:00pm haduh 5:00pm lane da ka email [email protected] na ka bynta ka jingtip bniah.
Kin pdiang 12 team ha ka Shillong zone, bad ia kiwei ki zone, yn sa khot iahsim bynta kham hadien, la ong ka MFA.
Phi don ban ong eiei?