Wer ka Kur Suting ia ki para Kur ban poi ha ka jingialang bah ha Mawkhar Shillong

Shillong, 13 Nailur: Ka seng Kur Suting lyngba ka Kyrwoh kaba la phah da u Bah Hojising Suting, u la ong ba ka Seng Kur Suting, kan pynlong ia ka jingialang bah kaba long kum ka jingiakynduh ba shisien shisnem hapdeng ki para kur bad ka ban long ha ka 21 tarik mynta u Bnai ha Iing Dorbar Mission Compound kaba don hadien ka Iingmane Mawkhar ha Nongbah Shillong.

Lyngba ka kyrwoh kaba la phah da utei u nongialam ka Seng Kur Suting, la kyrpad ia baroh ki longkmie longkpa, ki khun samla kynthei bad shynrang jong ka Seng Kur Suting, ba kin ia mih ryntih ha katei ka sngi bad ban poi khnang sha katei ka jingialang, namar ka dei ka jingialang kaba donkam. Kumta la kyrpad ia baroh ki para Kur kiba najan bad jngai ba kin poi sha katei ka jingialang, na bynta ban iakren halor shibun ki kam kiba iadei bad ka Kur.