Wer ka JSU ïa ki paidbah sha ka shong kyllaiñ myngngor ha Amlarem

Shillong:Ka Jaiñtia Students’ Union (JSU) ha ka sngi Palei ka la khot lawer ïa baroh ki paid nongshong shnong hapoh ka Amlarem Sub-Division ban ïawan sha ka jing shong kyllaiñ myngngor ban dawa pynbeit ïa ka Meghalaya State Reservation Policy.

Kane ka jingshong kyllaiñ myngngor kan long ha ka sngi 2 tarik ha Amlarem (stand Padu) ha ka por 10 baje myn step haduh 5 baje jan mied. Kane ka jing ïakhih ka dei kaba la pynbeit da ka Jaiñtia Coordination Committee for Reservation Policy, 1972 (JCCRP) kaba kynthup ïa ki sengbhalang bad nongïalam shnong.

U general secretary JSU u Treiborlang Suchen ula ong ba kane ka jingshong kyllaiñ myngor ka long ruh kum shibynta ban pynsngewthuh bad pynshai halor ka jingdawa ban pynkylla ïa ka Reservation Policy 1972 ban myntoi u paid Khasi Jaiñtia.