Shillong: U bah THS Bonney, uba thep kyrteng kum u kandidet jong ka seng Khun Hynniewtrep National Awakening Movement (KHNAM), un hap iakhun noh mynta kum u kandidet shimet bad ha kawei pat ka liang, U bah Justice Kharbasanti, uba dei u kandidet jong ka seng CPI, ula weng noh ialade na ka jingiakhun kum u kandidet ha kane ka elekshon Lok Sabbha 2019.
U Abhishek Bhagotia, Returning Officer, haba iakren bad ki kotkhubor, u iathuh ba ula pynmih ia ka rai, ba U bah Bonney, un iakhun kum u kandidet shimet, wat la U bah Bonney, ula thep kyrteng ialade kum u kandidet jong ka KHNAM.
La iathuh ba U bah Bonney, ula jied ia ka shap jong u shabi, ha kane ka elekshon, katba U Bah Justice Kharbasanti, ula weng noh ialade na ka jingialeh, ha ka por 1.15 mynta ka nohsngi.
Na ka liang jong ka CPI, ka mynjur ba ka don ka ram kaba U Bah Justice, um pat shym la siew satia ha Meghalaya Rural Bank bad ka dei na katei ka daw, ba U Bah Justice, ula hap weng noh ialade na ka jingialeh.
Ki kandidet kiba la thikna ba kin iakhun ha kane ka elekshon, ki long U Ma Vincent Pala, kandidet jong ka seng Congress, U Bah Jemino Mawthoh kandidet jong ka seng UDP, U Bah Sanbor Shullai kandidet ka seng BJP, U Bah Romeo Phira Rani bad U Bah Samuel Hashah, ki kandidet shimet.
Phi don ban ong eiei?