Weng synshar Administrator ha GHADC, 18tarik lah ban jied CEM

Shillong, 10 Naitung:
Hadien 3 bnai ba ka la neh ka synshar Administrator ha GHADC la iathuh ba u Lat ka jylla mynta ka sngi u la pynkut noh ia katei ka synshar Administrator. La ong ba la weng noh ia ka AR ( Administratine Rule) khnang ban ioh pynlong noh ia ka elekshon CEM. Lah ban kdew ba ia ka synshar Administrator ha GHADC la pynbna naduh ka 4 tarik u iaiong hadien ba la mih ka kynrum kynram politik ha katei ka District Council ha kaba u CEM u Denang T Sangma u la risaiñ noh na ka shuki CEM ha u lber mynta u snem shuwa ban wanrah ia ka mat ia kren byn shaniah shuh ia ka Executive Committee. Katei ka jingrisaiñ u CEM ka la pynlong ba ym lah shuh tang ban pass ia ka mang tyngka jong katei ka Council ruh. Ha ka 7 tarik mynta u bnai u Chairman ka GHADC u Boston Marak u la risaiñ noh na ka shuki jong u da ka jingthmu ban ia khun ia ka shuki CEM, katei ka jingrisaiñ jong u ka dei ruh hadien ba u Lat ka jylla u Banwarilal Purohit u la kyntait ia ka jingai jingmut ka sorkar ban weng noh ia ka synshar Administrator. Ki lad khubor ki la iathuh ba ia ka elekshon CEM lah ban pynlong ha ka 18 tarik mynta u bnai.