Weng shah thngan ki Grade IV, thungkam hapoh 6 bnai

Shillong, 30 ’lyngkot:
Ki Kandidet kiba pas ia ka eksam DSC jong ka Grade IV ki la weng noh ia ka jingiakhih shah thngan jong ki kaba la neh saw sngi lai miet kynthih hadien ba ka sorkar ka kular ban thung kam noh ia ki hapoh hynriew bnai.
“Ka sorkar ka la kular ban thung kam noh iangi baroh arphew ngut ki khynthei hapoh u bnai Naitung mynta u snem”, la ong ka Kong EL Thabah kawei na ki kandidet ba pas ia kane ka eksam DSC.
Kine ki arphew ngut ki kandidet ki la shim ia kane ka rai hynne ka janmiet sngi Thohdieng hadien ba ka Magistrate ka la wanmih sha ki, bad ka la pybna ba ka sorkar ka la pynjlan biang ia ka samoi thung kam sa hynriew bnai.
Ha ka jingshisha ka jingpynjan por ka sorkar ia ki mynshwa ka la kut noh ha ka 31 Kyllalyngkot 2015 bad mynta ka sorkar ka la pynjlan por biang ia ki sa hynriew bnai ban thung kam noh ia ki.
Lah ban kdew ba ka jingiakhih shah thngan jong kine ki kandidet ba la neh saw sngi lai miet, lai ngut napdeng jong ki la poi sha Shillong Civil hospital.