Weng pakhang surok ka AAMSU

Shillong,14Naitung:
U Deputy Commissioner ka West Garo Hills u la pyntip ba ka All Assam Minority Students’ Union (AAMSU) ka la weng noh ia ka jingpa khang surok jong ka ban iaid sha Garo kaba la pynshitom ia katei ka thain ban ioh ia ki marbam mardih bad kiwei pat ki jingmyntoi ba ka ju ioh lyngba ki surok ba pyniasoh bad ka Assam.
Ia katei ka jingweng noh ia ka jingpakhang surok la pyntip sha u DC Ka WGH U Pravin Bakshi da u President Organizing Committee na Mankachar , uba la pyntip ruh ba ka seng ka la weng ia katei ka pakhang hadien ba ka la iohi ba ka sorkar Meghalaya bad ki bor pyniaid District ki la shah shkor bad pdiang ia kaei kaba la mih na ka jingialang kaba la long ha Hatsingimari ha ka sngi thohdieng.