Weng noh u ma Stephan, ialade kum U MDC ka JHADC

Jowai, 28 Nailur:
Mynta ka sngi u ma Stephanson Mukhim, MDC ka war East, u la weng noh ia lade na ka kam shakri paidbah kum u MDC ka JHADC.
U ma Mukhim u ba long ruh kum u MLA ka Amlarem u la rai ban weng noh kum u MDC hadien ba la mynjur ia ka Bill ba la wanrah hapoh ka iing dorbar thaw ain ha kane ka dorbar ba dang shudep.
Hooid kadei ruh na ka daw ka jingpynkhih win ka kong Agnes Kharshiing-ka longkmie treimon sngewbha jong ka jylla kaba la ujor pyrshah ia ka jingbam ar maloi ki nongmihkhmat.
“Mar syn mynjur ka iing dorbar ia katei ka bill, da ka mon lade nga la rai ban ieh noh ia ka shuki kum u MDC”, la ong u ma Mukhim haba iakren bad U Rupang mynta ka sngi ha kamra u CEM ka JHADC .
Utei u MLA u la kyntu ruh ia paidbah nongkyrshah jong baroh ha ka thain ba kin nym sngewphylla ia kane.
Lyngba ka jinghiar shuki jong U Ma Stephanson Mukhim, mynta, ki la don saw ngut ki MDC, kiba long ruh ki MLA, kiba la hiar shuki bad kitei ki kynthup ia u Bah HDR Lyngdoh, uba dei ruh u myntri ba peit ia ki District Council, nangta sa U Bah KP Pangniang, uba la rai ban hiar shuki noh, U Bah Ardent Basaiawmoit, uba la dep ban aiti ia ka shithi iehnoh kam jongu ha ka taiew ba ladep.