Shillong: U Ma Balios Swer, President ka Jaintia Coal Miners & Dealers Association (JCMDA), ha ka jing pyllait khubor mynta ka sngi, u iathuh ba ka Supreme Court, mynta ka sngi, ka la weng noh ia ka jingtih jingkhum na ka kti jong ka National Green Tribunal (NGT), kaba khang ban tih dewiong ha ka Jylla Meghalaya, naduh ka 17tarik Iaiong 2014.
U Ma Swer, u iathuh ba la shah ban tih dewiong, hadien ba la ioh ia ka jing mynjur lane ka mining permission, na ka sorkar Jylla, ha kaba U DC, un long kum U Mine Inspector.
La ong shuh shuh, ba ka khyndew ka shyiap bad u dewiong, un hap ha ki trai jaka hi, kumba ju long baroh shi katta.
Ia u dewiong, uba don 38 lak metric tonne, uba la dep tih, yn die noh da ka Coal India Ltd, lyngba ka hukum jong ka Supreme Court bad ka jingtih dewiong, kan long kumba ju long hi baroh shi katta, ong U ma Swer.
Nga kwah kam kwah jam namar nga duk palat..