Weng noh ka Ri Bhoi, ia ka kyndon pyrkhing ia ki 14 tylli ki long iing ha Umsamlem

Shillong: Ka District Magistrate, Ri Bhoi District, ka la weng noh ia ka jingteh kyndon ia ki 13 tylli ki long iing, kiba don ha Umsamlem, ha ka dong Khliehshnong, kiba don jing iadei bad u tymmen, uba leit sah hospital ha H Gordon Robert Hospital, Shillong. Ka kyndon, ba la buh ia kitei ki long iing, ka long na ka bynta 14 sngi bad mynta la ailad ba kin ia leit ia wan, kumba ju long.

Katei ka hukum, la pyn kylla noh hadien ba la lap ba u tymmen, uba dei na katei ka shnong, ba um dei satia, uba ioh pang Covid 19 bad utei u dang shah sumar ha katei ka Hospital, haduh ha kine ki sngi.

Ha kajuh ka por, la bthah pat ia ki paidbah, ba kin dang iai bteng ban ia jngai para briew, ban nym ia shong bun briew hajan jong ki dukan, ban sop khmut sop khmat bad ban nym biah ha ki jaka paidbah.